33buba AASU senden den Cultural, Literary & Sport Meet tenzükogo

Dimapur, Aenjeti/January 16 (TYO): “Together with New Vision” omen nung ajemdaker 33buba Aboi Area Students’ Union General Session den repsema Cultural, Literary & Sport Meet January 15, 2019 nü Ngangching yimtsüng Local Ground nung tenzükogo.
Cultural Day lapokba sentong nung Minister for Higher Education & Technical Education, Temjen Imna Along alakteta tejaoker ka ama arua aden. Sentong nung o jembidang minister-i sentepa aliba nüburtem dang yimya tajungtiba benshia tangar asoshi tatishitsü taküm ka litettsü ajungshi. Paisa kaketshirtem dang parnok tebilemdangba ulushitsü, Tsüngrem akhümtsübutsü aser kaketshisatsü bushiba nung bendanga agüja inyaktsü ayongzük.
Minister den külemi iba sentong nung Mon Deputy Commissioner, Thavaseelan K IAS, Additional Deputy Commissioner Aboi, Joint Director Higher Education, Menuokholie Kire, aser E.E School Education, District President Er. Kelie nunger dena liasü.
Sentong nungsa AASU Cultural Troops-i minister agizüka liasü aser iba sülen pai AASU wako salatsüba mapang nung Ngangching Bumeinok Choir-i Konyak naklo ken aten. Iba sülen AASU tir-i lokti pelaa agizükba o jembi. Iba sentong ya H. Nginying Konyak lenisüba kübok aka.
Sentong tembangba sülen Minister-i Aboi nung tang teyangludak aliba Polytechnic Building semdang koba 2014 küm yanglu tenzük. Minister-i iba ki ya takaratiba nung yanglutssü asoshi jenjang tapet agitsü aser taküm academic tenzüktsütsü.
Nagaland State Commission for Protection of Child Rights, mendenbuba Awan Konyak-i Aboi nung aliba nüburtem tebilemtsü metetdakja liasü, ta DPRO Mon sangdong ka ajanga metetdaktsü.