Kechi südir süaka BJP tamakok ngudaktsütsüla: Kejriwal

Kolkata, January 19 (Agencies): Tanü AAP tongti aser Delhi chief minister, Arvind Kejriwal-i nüburtem dang, kechi südir süaka Centre nung lendong aketba BJP sorkar tamakok ngudaktsütsüla, ta ashi.
Iba linük ya petsaprong tulu nung lir, anungji linük aser democracy kümzüka ayutsü atema tangsa Modi sorkar melentsü nüngdaker, ta pai ashi.
Kolkata nung TMC-i ayongba opposition party tem senden nung jembidang Kejriwal-i, “2019 küm elections nung takok ngua (Narendra) Modi-(Amit) Shah nati maneni linük yimsü süra, parnoki linük temzüng melenshitsü aser joko elections magitsü. Hitler-i Germany nung fascist yimsüsüba benokba ama parnokia benoktsü,” ta ashi.
Paisa, BJP-i tamangba yimsü tenüng amer nübur tsüngda tsükchi tendaktsür, ta aitsü.
“Pakistan nükjidongji iba linük raksatsütsü atema süra, tan sorkari iba lenmang nung jajadar, kechiyong parnoki tamangba yimsü aser oshi nung ajemdaker nübur tsüngda tsükchitep adokdaktsür,” ta paisa ashi. “Tesüiba küm pongu nung BJP-i aniba sorkari mapa maongka magutsütet aser aluyimertemi timtem kanga ajangshidar, ta shisem.