Taküm küm indang mezüng superhit film Uri kümogo; Crore 70 aazüka lir

Aenjeti/January 19 (Agencies): Bollywood nung actor tasen Vicky Kaushal-i tongti shilem agiba film – Uri- The Surgical Strike ya sayar hopta ka jungogo aser iba sülena iba film ya box office nung takok tulu ngua odar, ta osangtem ajanga metetdakja liasü.
Tang tashi nung iba film ajanga sen cr. 70 aazüka lir aser iba ya box office nung film talisa Raazi, Stree, Sonu Ke Titu Ki Sweety aser Badhaai Ho tem dang nungi timba aazükba film ka kümogo.
Theatre nung film balala rongnung audience temi Uri – The Surgical Strike film kanga sapua reprangba, osangtem ajanga angazükogo.
“#UriTheSurgicalStrike film ya ajak atema sapuba film ka lir…. Cr 70 dak tema aazüka… 2019 INDANG MEZÜNG SUPER-HIT film kümogo… Hokolbarnü/Fri. cr. 8.20, Honibarnü/Sat. cr. 12.43, Deobarnü/Sun. cr. 15.10, Hombarnü/Mon. cr. 10.51, Mongalbarnü/Tue. cr. 9.57, Bodbarnü/Wed. cr. 7.73, Brihostibarnü/Thu. cr. 7.40,….. Sen ajak agi: Cr. 70.94 aazükogo ….India biz. #Uri #HowsTheJosh,” ta Twitter ajanga Trade analyst, Taran Adarsh-i lemsatep.
Taran-isa, hopta ka nung Uri film ajanga aazükba sen ya Stree, Badhaai Ho, Raazi aser Sonu Ke Titu Ki Sweety film tem den medemdanga liasü. “#UriTheSurgicalStrike ajanga takok tulu nguogo. Hopta ka nung #SKTKS, #Raazi, #Stree aser #BadhaaiHo film dang nungi sen timba aazükogo. #SKTKS cr. 45.94, #Raazi cr. 56.59, #Stree cr. 60.39, #BadhaaiHo cr. 66.10 [Anogo 8 tashi nung aazükba osang], #UriTheSurgicalStrike cr. 70.94 shi asütsü,” ta Taran-i lemsatep.
Uri film ya nüngtugu actor (star) medeni yangluba film ka lir.