Truvison-i BIG SOUND 2.1 Speaker sayaogo

Aenjeti/January 19 (Agencies): Truvison-i ‘2.1 400BT’ ta nüngja agütsüba Multimedia Speaker tasen ka sayaba sangdongogo. Company-i ashiba agi, iba speaker nung tanga dang nungi feature alaktetta inoka lir aser audio sound ajungba den sen dalang asütsü.
Item speaker ya wooden cabinet nung inoka yanglutsü koba sentsü tanak asütsü. Speaker system nung control balala indang information tem LED display ajanga sayutsü.
2.1 speaker nung 20 Watts RMS audio output den subwoofer atema 4-inch bass driver ka inoksema yanglutsüogo. Connectivity atema, iba speaker nung Bluetooth, USB, pen drive aser micro SD keta aliba angutsü. Tamshirtemi aux-in ajanga speaker ya PC, laptops, TV, DVD player aser smartphone tem den connect süa amshitettsü. Radio angatsü jangrar atema, speaker nung in-built FM inoka yanglutsüogo aser speaker ayonga amshitsü atema remote control ka densema lir.
BIG SOUND 2.1 speaker ya küm ka warranty densema sen 2,999 agi angutsü.