Dimapur nung tasümang ka angu

Dimapur, January 19 (TYO): January 14, 2019 nü Dimapur aser Khatkhati (Assam) na tsüngda Train lenmang nung mejangjaba tzümar (tebur/arishi küm 40-45 shi) tasümang ka ondaka angu; paji train toudak mapang nung train nungi tsük asütsüa akok, ta tanü Addl. Dy. Commissioner of Police/PRO, Dimapur-i sangdong ka ajanga metetdaktsü.
Tasümang dak sendakba bushisüngdang süogo aser teinyaktsü inyakyim ajak tembanga inyakba sülen tasümangji post mortem agitsü aser maitsü jangjatsü atema Dimapur Civil Hospital-i bener ao, ta sangdong nung shia lir.
Kinünger, medemer mesüra nisung kari danga iba nisungba ya noksa ajanga jangjara Officer-in-Charge, Sub-Urban (SBN) Police Station, Dimapur den tongteprateptsü mepishir, ta kasa sangdong nung shia lir.