Naga telungpur teloktem den accord ka yanglutsü: R N Ravi

Hyderabad, January 19 (Agencies): Naga telungpur teloktem den accord ka kobi melii renemtsü imlar, ta Deputy National Security Adviser R N Ravi-i Honibarnü ashi.
“Iba mapa tatemleni arudar. Iba nung shinga züngdoka mali. Telok ajak dena lir” ta Ravi-isa ashi.
“Telungpur telok 8-i India sorkar den olemtep tagidak lir. NSCN (I-M) den tanga telok 7, parnok ajak dena lir. Shinga mezüngdok” ta paisa osangbener dang ashi.
“Naga telungpur teloktem den accord yakta renemtsü” ta Ravi-isa nenshia metetdaktsü.
Honibarnü Hyderabad nung Forum for Integrated National Security (FINS) ajanga ayongzükba ‘Self Reliance in Defence Manufacturing’ sentong nung pai iba osang metetdaktsü.