Digitek-i Bluetooth speaker sangdongogo

Aenjeti/January 21 (Agencies): Digitek-i super bass Bluetooth speaker asem – DBS 021, DBS 022 aser DBS 023 sayaba sangdongogo.
Company-i ashiba agi, iba Bluetooth speaker ya saisapong, camping aser pool party nung amshitsü product tetemjem ka asütsü.  Portable aser design tajung den splash proof speaker ya khen charge nung, ghonda 4 nungi 5 tashi amshitetter, ta company-i ashi.
Iba speaker nung built-in 3.7V/1200 mAh battery aser microphone ka keta lir koba ajanga ghonda 4 nungi 5 tashi hands-free call support asütsü. Tanga connectivity atema, speaker nung AUX IN, TF Card aser FM Radio densema lir.
Digitek DBS 021, DBS 022 aser DBS 023 jenjang ya sen 1295, 1595 aser 1895 asütsü.
Speaker ya mobile accessories aser electronics outlet tem aser Amazon, Flipkart o Snapdeal densema e-commerce sabangtem ajanga angutsü.