PDA teloktep tashi itta aser longjema lir

Dimapur, January 21 (TYO): PDA nung MLA ajak aser PDA Coordination Committee külem senden ka tanü Chief Minister indang Residential Office nung amen.
Sendenji PDA Chairman, Chingwang Konyak menden ser amen aser PDA teloktep nung adener ajaki Chief Minister Neiphiu Rio lenisüba kübok PDA longjema aser angatetepa lir ta nangzüktep.
PDA sorkar tiptema dang lir aser Common Minimum Program (CMP) nung nangzüka alibatem atema inyaka arudar, ta Co-Chairman, PDA Temjen Imna Along aser Chairman, PDA Chingwang Konyak nati ashi.
State Cabinet-i Citizenship Amendment Bill atema telemtetba agiba nung PDA-ia posema nungiter aser state sorkar den külemi noktaka lir. State Cabinet-i iba bill atema ajak den asüngdangya asütsü lemtetba PDA-i agizüker aser iba asoshi ajaki tangatetba tajung nung shilem agitsü mepishir, ta PDA ketdangpurtemisa ashi.
Taruba 26 Aonglengden assembly constituency bye election aser Nagaland Lok Sabha Parliamentary constituency election nung NDPP kübok PDA consensus candidate shimtsü ta tanü senden nung adenertemisa lemtet.
State sorkari CMF nung nangzükba ama terenlokba mapa balala takok ngua inyaka aruba aser NDA sorkari nungitba atema tenüngsang agütsür. Sorkar mapa inyakertem aser talisa tesayurtem nem itasen aser kaketshirtem nem scholarships mapang shitak nung agüja arudar. Maneni, lanur tashi itdaktsütsü atema sentong tasen aika inyaktsü aser tourism o agri & allied sector dak sendakba asoshi asalentong tasentem yanglua mapa inyaka aotsü tebilemba lir, ta PDA-isa metetdaktsü.