Sikkim CM-i North East Youth Festival 2019 tenzüktsü

Gangtok, January 22 (Agencies): Sikkim chief minister Pawan Chamling-i mezüngbuba North East Youth Festival 2019 tenzüktsü.
West Sikkim kübok Dentam nung ayonga amungba benjung ya State Youth Development Board, Government of Sikkim-i ayongzüker.
Iba benjungmung nung Arunachal Pradesh, Assam, Manipur, Meghalaya, Mizoram, Nagaland, Tripura aser Sikkim nungi lanurtemi shilem agir.
Iba benjungmung tenüng nung Chief minister Chamling-i ‘Sikkim State Youth Policy Book’ aser ‘Tales of Transformation: A Compilation of Articles by HCMMSS Recipients’ kakettem sayatsü.
Paisa lanurtem dang tanü-asüng technology meteta alitsü aser iba ajanga tajangzük angutsü atema ayongzük.
Iba benjung ya north-east state tem nungi lanurtem tsüngda amalitep alitsü aser tesentaktep akangshitsü atema sabang ka lir, ta Chamling-isa shisem.
Paisa lanurtem dang kodanga teimla mesamatsü aser mapa meranga inyaktsü atema tebilemba lemsatep.
North East Youth Festival nung adenertem ajak dangi Chamling-i tepela salem metetdaktsü.