MP K.G.Kenye-i C-Edge College Auditorium aser classroom semzüktsü

Dimapur, Aenjeti/January 22 (TYO): C-Edge College Dimapur nung Aenjeti/January 22, 2019 nü college auditorium aser 2nd Floor (Right Wing) Classroom lapokba sentong ka agiogo. Iba sentong nung lokti pelaa agizükba o jembidang C-Edge College tir Er.Moa Aier-i, Indoor Auditorium ya Naga nunger rongnugni mezüng lennir nüngtem nung “Goyiepre Kenye Auditorium” ta jatsüba metetdaktsü. Ki tasen meshitetba aser temoatsü meshizüka sarasademba sentong ya Rev. Dr. N. Tzudir lennisüba kübok aka.
Alakteta jaoker K.G.Kenye-i o jembiba mapang Naga nunger puti otsü dak rangloker jembi aser pai kaketshirtem dang asen sobaliba mamadoktsü saka asen tesü tebou bilemteta asen maitsü lepa reprangshitsü ajungshiba den tarutsü atema renemshia alitsü aser pei semtep tajungtiba nung amshitsü ajungshi, kechiyong Naga nunger tem dak sempet aika keta lir, ta ashi.
Ki tasen lapokba sentong ya Asst. Prof of Sociology Lovika Nancy lennisüba kübok aka aser College Choir o Peuningle Zeliang (B.A. Sem IV) nungeri ken aten. Sentong nungsa Dr.Chubatola Aier-i tepela o jembi aser lai talisa iba Auditorium classroom talila süloktsü atema MP-i teyari agütsüba atema pa tenüng asang koba kanga nüngdaka liasü. Iba sentong ya Asst, Prof, Inza-i sarasdema tembang.