Mon nung self defence class ka ayonga agi

Dimapur, Aenjeti/January 22 (TYO): Tang tagidak aliba ‘Beti Bachao, Beti Padhao’campaign den shilem aka ama Mon District Administration-i Aenjeti/January 22, 2019 Mongalbarnü Wangkhao College kaketshir tetsürtem atema self defence class ka ayonga agüja liasü.
Instructor Martial Arts Academy, Mon, H. Samuel den par team-i tetsürtem dang self defence atema tetuyuba agüja liasü. Iba sentong nung Wangkhao college nung azünger tetsür temi jangrabangra shilem agia self defence tesayuba angazüka liasü.
Iba self defence sentong nung EAC Mon, Imliwapang Aier aser Wangkhao College tesayurtem dena liasü.