NBSE-i Cyber Safety nung seminar ka ayongtsü

Kohima, Aenjeti/Jan. 23 (TYO): NBSE (Nagaland Board of School Education) kübok kaket reju ajak atema Aenjeti/January 31, 2019 nü Baptist High (Auditorium), Mission Compound, Kohima nung 10: 30 ako nungi tenzüka NBSE-i anogo ka seminar ayonga agitsü metetdaktsü.
Iba seminar nung Cyber Safety atema aser Science aser Mathematics tekaraba angazüktsü atema Educational Application Software amshiba yimyatem Cyber Expert Rakshit Tandon-i sayutsü. Seminar agiba sülen HSLC & HSSLC Admit Cards: To the Centre Superintendents, Secondary Syllabus & Academic Calendars 2019 tem Kaket reju nung tekolak ajak nem agütsütsü.
Anungji iba seminar nung kaket reju nung tekolak ajak aruagi adentsü atema mepishir, ta kasa sangdong nung shia lir.