ISRO-i India nunger kaketshirtemi yangluba Satellite yoktsü

New Delhi, January 23 (Agencies): ISRO-i tang mezüng India nunger kaketshirtemi yangluba satellite ‘Kalamsat’ anüngi yoktsü.
Brihostibar aonung India nunger rocket ka nung Defence Research and Development Organisation (DRDO) indang Microsat R imaging satellite aser Kalamsat student satellite na densemer yoktsü, ta tanü Indian space agency nungi official kati metetdaktsü.
“PSLV (Polar Satellite Launch Vehicle) rocket khakettsütsü ‘countdown’ ji tanü (Bodhbar) tenzüktsü,” ta ketdangseri metetdaktsü.
Iba rocket ji Brihostibar aonung 11:40 ako meta khakettsütsü.
“Onoki seret 700 indang Microsat R aser Kalamsat na PSLV tasen ka den khakettsütsü. Touzük ajemtsü atema tang mezüng stage pezübuba nung aluminium ka amshitsü,” ta ISRO Chairman K. Sivan-i metetdaktsü.
Paisa, Kalamsat ya kaketshirtem aser Chennai nung amenoka aliba Space Kidz India-i yanglu, ta shisem.
Rocket ji minute 14 shi khakettsüba sülen kilometer 277 shi nung Microsat R ‘eject’ sütsütsü.
“Kalamsat ya 10cm cube nano-satellite ka lir aser touzükji seret 1.2 shi lir. Iba satellite taküm alitsü mapangji ita ana shi lir aser iba satellite ya sen lakh 12 shi indoka yangluogo,” ta Space Kidz India tentetsang aser CEO, Srimathy Kesan-i metetdaktsü.
Space Kidz India-i India nunger kaketshirtem atema art, science aser culture ajungkettsür.