Himanta anema ken o benok

Guwahati, January 23 (Agencies): Assam finance minister Himanta Biswa Sarma-i kin dak ajemdaker tashishitsü o jembiba anema Rangiya police station nung Mongolbarnü ken o ka benokogo.
Rangiya nung alir Kanihar Hareswar Barman-i minister Sarma anema ken o benoka liasü.
Minister-i o jembiba mapang kin tsüngda tsükchiteptsü osang prokshiba atema aitsü.
Hombarnü minister Sarma-i Rangiya kübok Kalamoni semdangba mapang Krishak Mukti Sangram Samiti (KMSS) aser Asom Jatiyabadi Yuba Chatra Parishad (AJYCP) züngsemtemi wako tanak sayuba dak sendakba nung osangbenertem den sensaksemba mapang Sarma-i jembiba o dak ajemdaker ken o ya benoka liasü.
Ken o benoksang Barman-i osangbenertem den sensaksemba mapang ashiba agi, Himanta Biswa Sarma amala mapa tulu ka bener aliba nisung ka dang nungi iba amal o jembitsü imlaa maliasü.
Kasa mapang nung Rangiya police station office in charge-i iba ken o agizükba jangjatsüogo. Ajisüaka iba osang agütsüba mapang tashi nung pai ashiba agi, ken o kecha file süa mali.
Temetettsükaji taoba mapang nunga minister Sarma anema mapang balala nung ken o benoka aruogo.
Ajisüka mapang timba ka nung Assam Police-i minister anema ken o benoktsü atidaka bilemba aser momulungba sayuogo.