Feb. 1 nungi sorkar mapa nung shilem 10% wazüka yutsütsü

New Delhi, January 24 (Agencies): Taruba ita nungi tenzüka Central sorkar mapa ajak nung economically weaker sections (EWS) atema menden shilem 10 wazüka yutsüba mapa küma inyaktsü, ta tanü ketdangsertem osang ka ajanga metetdaktsü.
Ministry of Personnel-i sangdong ka ajanga, EWS quota benoka inyaktsü atema tetuyubatemji mapang balala nung agutsütsü, ta metetdaktsü.
“Central sorkar mapa aser services nung economically weaker sections (EWS) atema shilem 10 wazüka yutsütsü, aser ibaji February 1, 2019 nungi tenzüka mapa tazüng aliba ajak nung benoka inyaktsü,” ta parnoki metetdaktsü.
General category nung sensakertem nem sorkar mapa aser reju balala nung menden shilem 10 wazüka yutsütsü atema January 9 nü Parliament-i Constitution (124th Amendment) Bill agizüka liasü.
Ministry of Social Justice & Empowerment-i sangdong ka ajanga, “Tang Scheduled Castes, Scheduled Tribes atema wazüka yuja aliba scheme tem agi mayimjemba educationally backward classes aser küm ka nung income sen lakh 8 dang nungi tajemba angurtemji EWSs ta züngshitsü aser parnoki iba tajangzük angutsü,” ta metetdaktsü.
“Iba dak alia aluyimba li acre 5 aser iba dak tema aliba kibongtem, residential ki 1,000 sq ft aser iba dak tema alirtem, kimong 100 sq yards aser iba dak tema alirtembo EWS küboki maittsü,” ta kasa sangdong nungsa shia lir.
Kibongtem Income aser kiojen indang kuliji States/Union territories nung Tehsildar aser iba dang nungi temaba ketdangser kati agutsütsü, ta kasa sangdong nung shia lir.
Ano shisaliok rejutem nung admission agitsü atema reservation osangjibo HRD ministry-i metetdaktsütsü, ta parnokisa metetdaktsü.