Agri Dept. Mangkolemba-i Khar yimdak Power tillers lemtsüogo

Mangkolemba, January 24 (TYO): Department of Agriculture, Mangkolemba-i January 24, 2019 nü Khar yimdak short power tiller lemtsüba sentong ka ayongzüka agi; iba sentong nung Khar Village Council Chairman-i Dept. nungi staff tem pelaa agizüka liasü, ta ketdangsertem osang ka ajanga metetdaktsü.
Iba sentong nung jembidang SDAO, Mangkolemba, A.Temsu Aier-i aluyimertem dang, item power tillers ya SMAM scheme kübok lemtsür, ta metetdaktsü.
Paisa, alu nung aayanger nübo ajemtsütsü, senotsü tajemba indoktsü aser aluyimbaren melenshia aika züsentettsü aser aluyimba nungi rongsenkettsüng arentsü atema Agriculture Department-i farm machinaries amshitsü ajungshir, ta metetdaktsü.
Paisa yimdaklirtem dang Department-i agutsüba facilities balala agitsü aser itemji shisa kaa amshitsü ajungshi.
Iba sentong tembangba sülen lokti noksa tangok aser power tillers ana angati lema agutsü.