JMC, Mokokchung nung District Youth Parliament agi

Mkg, Jan. 24 (TYO): NSS Units aser NYK, Mokokchung-i ayongzüka Mkg aser Zunheboto atema District Youth Parliament Festival Jubilee Memorial College(JMC), Mkg nung agiogo.
Iba Festival nung JMC kaketshirtem aser Zunheboto nungi college kaketshirtem atema onük jembiba tetoktepba agi, aser tetendangertemji L.S. Vinod Kumar, Associate Prof., FAC, Sungkum, Assistant prof, People’s College, Limasenla Jamir, correspondent, Morung Express aser Watitoshi, Assistant Prof. FAC nunger liasü.
JMC nungi kaketshir 40-i shilem agi aser Moasenla-i mezüngbuba jenjang nung takok angu, tanabuba aser tasembuba jenjang nung takok angurji Noklensangyu aser Arensangla na liasü. Iba tetoktepba nung Zunheboto district nungi kaketshir 6-i shilem agi aser takok angurtemji- 1st Bokai T. Achumi, 2nd Nika H. Khulu aser 3rd Vinato I. Chopi liasü.
District level youth parliament festival nung takok angurtemi State level youth parliament nung shilem agitsü.
Iba sentong nung NSS, Teacher incharge, JMC, Mulato Keny-i lokti pelaa agizükba o jembi aser DYC, NYK, Mokokchung, John Makhabo-i tepela anküp o jembia liasü.