Tanur 2 tema alirtem noktangtsüla: Ramdev

New Delhi, January 24 (Agencies): Baba Ramdev ta ser Yoga tesayuri India nung tanur ana tema alir ket nungi vote agütsüba temeten agienang ta ashi.
Linük nung nütsüng yongsük teimba akümba khuret azüoktsü atema sorkari iba mesükba mapatem inyaktsüla, ta Ramdev-i ashi.
“Nütsüng yongsük teimba akümba azüoktsü atema Hindu mesüra Muslim nungera süang, tanur ana dak tema asortem ket nungi vote agütsüba temeten, mapa aser temang anepaluba teyaritem agientsüla” ta pai yashi Aligarh nung sentong ka nung jembidang ashi.
Aligarh nung Patanjali garment tenzüktsü atema Ramdev aoba liasü. Pa ya kibong makümer ka lir aser paisa ashiba agi, “tanur ana den teimba alirtem election nunga metoktepdaktsütsüla aser parnok tanurtem sorkar school nung mezüngdaktsütsüla.”
Item ama nisungtem sorkar mozü ki nung anepalu mesüdaktsütsüla aser sorkar mapa dena magütsütsüla, ta Ramdev-isa shisem.
Taoba mapang Ramdev-i iba ama ashishitep aketba onüktem jembiogo. Yaküm November ita pai pa ama kibong makümer nem tetushi sempet balaka agütsütsüla ta shia liasü.