Nagaland & Mizoram nungi tetsür 4 kümzük

Pune, January 24 (Agencies): Pune nung massage parlour ka nung teküp ayokba maparen ka nungi tetsür pezü tashi kümzükogo aser iba dak sendakba nung nisung asem pua lir.
Police-i pua aliba nisung asemji Shyam Fasge, Preeti Fasge aser Atlu Melu Khamo nungertem ta jangjaogo.
Atlu Melu Khamo ya Nagaland nung lir aser parlour nungi kümzükba tetsür pezüji Nagaland aser Mizoram nungi lir.
Tetsürtemji Hadapsar anasa Mohammadwadi nung rehabilitation center kati yokogo aser nisung asemji police ket nung lir.
Pune nung massage parlour ka amshia teküp ayokba mapa inyaker ta osang tejangja ka angazükba sülen police-i iba tesem mita ao.
Tetsür aser teburtemji Bibwewadi kübok Chandrika Society nung ki ka nung lia apu. Social security cell nung police inspector Manisha Zende-i anir police teshimtet telok kati iba tesem mita ao.
Bibwewadi police station nung nisung asem anema Indian Penal Code kübok section balala nung FIR ka benokogo.