Film yanglutsü maparen tasak lir: Anil Kapoor

Aenjeti/January 26 (Agencies): Nüngtugu film talisa ‘Khoobsurat’, ‘Veere Di Wedding’ aser ‘Fanney Khan’ ajanga takok tulu ngur, actor aser film yanglur Anil Kapoor-i movie tem yanglutsü maparen ya kanga dang tasak ta ashi.
2002 küm Anil-i film production maparen nung ajemoka pai ‘Badhaai Ho Badhaai’ comedy film yanglua liasü aser kasa mapang Anil-i iba film nung tongti shilem agiogo.
Iba sülen 2005 küm Anil-i ‘My Wife’s Murder’ aser iba den atonga ‘Gandhi, My Father’ yanglua liasü koba ajanga National Film Award-Special Jury Award/Special Mention jenjang angu. 2010 küm paisa ‘Aisha’ produce asü kong lar jala Sonam K. Ahuja-i tongti shilem agi; aser 2018 küm pai ‘Fanney Khan’ produce süa liasü.
“Film dak sendakba nung produce asütsü ya maparen tasak lir,” ta nüngtugu Hollywood film ‘Mission: Impossible – Ghost Protocol’ nung India nunger multi-billionaire, Prijnath shilem agisang Anil-i ashi.
“Casting maparen ji film atema tongtibang shilem ka….. kü meyong company nung süaka, mapang kar nungbo kü nükjidongtem mataloker. Producer ka ama, ni film atema cast tem kanga kümdanga shimer,” ta arishi küm 62 tain actor Anil-i ashi.
‘Slumdog Millionaire’ nung tongti shilem agisang Anil-i ashiba agi, par jala Rhea Kapoor aser pa indang production company na longjema otsü tajung aketba film tem atema maparen inyakdar.
Tang Kapoor-i ‘Ek Ladki Ko Dekha Toh Aesa Laga’, film sayatsü atema renemdar. Iba film nung Anil-i par jala Sonam K. Ahuja, actor Rajkummar Rao aser Juhi Chawla nunger den külemi hilem agiba angutsü. Iba film ya Tsüklai 1, 2019 nü sayatsü ternemba lir.