Saina Nehwal Indonesia Masters final-i iogo

Aenjeti/January 26, 2019 (Agencies): USD 350,000 Indonesia Masters tetsür kija asaya nung India tsür rongnungi nüngtugu badminton asayar Saina Nehwal-i maneni kanga junga asayaa Honibarnü semifinal asaya nung lai China tsür He Bingjiao kokogo.
Hyderabad nungi arishi küm 28 tain asayar, shibai taoba küma iba asayamung final tonga asayaogo, lai 18-21 21-12 21-18 agi sixth seed Bingjiao madak takok ngua liasü, shibai taoba küm World Championship nung bronze medal ngua liasü.
Seed ti buba nung alila final nung Spain tsür World Champion and reigning Olympic champion Carolina Marin mesera seed asembuba nung alila China tsür Chen Yufei den asayatsü.
Saina-i taoba küm Commonwealth Games nung gold medal ka aser Asian Games nung bronze medal ka koktetogo aser iba dak alia lai Denmark, Indonesia Masters aser Syed Modi International asayamung nung final tonga asayatetogo.