Lazami nung Agro Servicing Centre semzük

Pughboto, January 28 (TYO): January 25, 2019 nü Sub Divisional Agricultural Office, Pughoboto-i tang mezüng Agro servicing centre ka Lazami yimdak semzükogo; iba sentong nung tetushi tejaokerji ADC Pughoboto, Phuleshe K. Yepthomi liasü, ta tanü ketdangsertem osang ka ajanga metetdaktsü.
Sentong nung SDAO Pughoboto, Myanthung Patton-i okila jembi, iba sülen Agro servicing centre, Lazami proprietor, Shihovi-i jembi.
Iba sentong nung jembidang tetushi tejaokeri, scheme ka takok ngua inyaktsü atema grassroot level nungi kanga nendaka inyaktsüla, ta ashi.
Paisa lenirtem dang sub division kübok yimtsüngtem nungittsü aser ajungshia shisa tasen agutsütsü ayongzüka liasü.
Agro servicing centre ya sub division nung alirtem nem services agutsütsü, aser tawa sub division-i yimtsüng balala nem agutsüba power tillers ama machineries yanglushitsütsü nükjidong nung lapokogo.