Alokba dang Nagaland tensa asüngdanger :

(Maneni taoba adok nungi…)
Tambur : Hi, Alok, tanüa angudanger aku!!!
Alok : Haija arungma, mazüng-ako saka tatsüka lemsatepti, Koda?
Tambur : Hai, Alok…. Nagaland nungbo Ao lima ya mezüngpur.. mezüngpur… ta sa angashia aru aser tawa tanü ka Mokokchung jila nungbo Transformer majungba agi light-a junga marur ta angashir, ya koda kechi asü??
Alokba : Asenokji, ‘mokok achi’ o ‘tenük merem’ na meyokteper nungzütepdang, shin o ka nung ashi ama “Tama pur tesü, tesü pur tama” ta asüba tu ataloker adi. Repranga dang liang iba shin o tu tangashi dang angashi aru, saka tenük agi ngua asenok dak atalokdar adi……
Tambur : Tanü asüng ‘High Tech’ lima nung alir taji Dimapur kiyong kar nungbo SMS ajanga Gas Cylender agizüktsüba maparen ajak inyakadoker aser kodang agizüktsü iba anogo jia dena pei indang Mobile nung osang arur. Saka, ano Dimapur kiyong kar nungbo tang tashi Gas Cylender agizüktsü atema kanga nungtepasa angur, ya kechi asü?
Alok : Kiyong karji 21st Century nung alir aku, saka tanga kiyongji ano parnoki 16th Century tu menungraba ajanga tatsük talem asüyonga jangratema dang nungtepba Gas Cylender-ji agizüker adi….
Tambur : Kanga pelar, tanü-a ano aika angazükogo….. ano mapang tajung ka nung arua lemsateptsü-ar taor….. (Tambusangi Nem-nemer) ALOKBA yabo kanga shisa taka… kanga junger.. ano maneni arutsü….
                                                    Lilir : SMS