ZPM-i non-BJP sorkar ka kümdaktsünür

Aizawl, January 29 (Agencies): Taruba Lok Sabha elections nung non-BJP party temi takok tulu ngua taruba sorkar akümtsü atema meranger, ta Zoram People’s Movement (ZPM) Legislature Party leader, Lalduhoma-i ashi.
ZPM headquarters nung party senden ka amendang pai iba osang metetdaktsü.
“Northeast state temi Citizenship (Amendment) Bill anema BJP den tesentaktep pilar. Mizoram-ia tamangba yimsü aser nübortem kümzüka ayutsü atema BJP den pilatsüla” ta Lalduhoma-isa metetdaktsü.
West Bengal Chief Minister Mamata Banerjee-i ayongba sentong nung Lalduhoma-i shilem agi aser pai BJP-i aniba NPA sorkar aitsü.
NDA sorkar kübok telok tilatem kümzüka mali aser Northeast nungertem taginüba kümzüka ayuba sorkar ka center nung kümdaktsünür, ta paisa shisem.
Mizo National Front (MNF) party-i North East Democratic Alliance (NEDA) nung BJP den tesentaktep pilatsü tasü maiter, ta taoba mapang ZPM President-i tai tonglokja liasü.
Iba atema MNF President aser Chief Minister, Zoramthanga-i par party-i Citizenship (Amendment) Bill anema noktakba sayua BJP den tesentaktep pilatsü renema lir ta langzü saka tang tashi BJP den pilatsüba indang osang temai adoka mashir.
ZPM lennir Lalduhoma-i ashiba agi, taruba Lok Sabha elections nung NEDA den yaritepba MNF anema tokteptsü atema parnoki Congress party den yariteptsü.