Intex Technologies-i LED TV tasen ka sayaogo

New Delhi, September 11 (Agencies): Kidang nüngdakba oset yanglur company Intex Technologies-i Hokolbar nü sen 39,990 alanga LED-5010 full HD television ka sayaogo.
“Television tasenba nung ‘Eye Safe T-Matrixe technology’ enokja lir koba ajanga tereprangertem nem timtem magutsütsü,” ta company sangdong ka ajanga metetdaktsüogo.
“Millisecond 9 nung noksa jangja kümdaktsüba ajanga noksa rapurasa (blur) mesüdaktsür aser ibaji ajanga TV nung noksa kanga merüka ngudaktsür, ta sangdong nungsa shia lir.
LED TV nung speaker ana enokja lir koba ‘digital noise filter’ den lokteper ola 10 watts adokdaktsür.
“Intex Technologies-i nüburtem taginüba reprangteta nüngdakba oset yanglur,” ta intex nung ‘consumer durables & IT accessories’ tekolakla Nidhi Markanday-i ashi.