CAB senden atema metetdaktsür

Kohima, Jan. 30 (TYO): State sorkari yimtenren party ajak, Tribal Hohos aser NGOs den Citizenship Amendment Bill, 2016 onük nung o lemteptsü atema January 31, 2019 anepdang 10:00 ako nung Rhododendron Hall, Central Police Officers Mess, Chumukedima, Dimapur nung senden ayongzükba nung President, CNTC, Dimapur aser President, Nagaland GBs Federation na metetsümonga mesüi mezüngoki liasü, ta ketdangsertem osang ka ajanga metetdaktsü.
Memeteti aibelenba atema kanga sasar, anungji state sorkari temalen aguja aliba lenirtem dang kasa senden nung adentsü mepishia metetdaksür, ta kasa osang ajangasa metetdaktsü.