CAB anemertemi Tinsukia BJP president züka merenshi

Dibrugarh, January 30 (Agencies): Bodbarnü Assam kübok Tinsukia jila nung Citizenship (Amendment) Bill anema lungkak aitertemi Tinsukia district BJP president, Lakheswar Moran züka merenshi.
Tanü nikongtsütsü 3.05 ako meta Lakheswar Moran ji Lok Jagran Manch-i ayongba sentong ka nung adentsü atema aru.
Tawa Lok Jagran Manch-i upper Assam nung Citizenship (Amendment) Bill indang osang jangjashiba sentongtem agiyonga arur.
Tanü Moran sentong agiba tesem tonga arudang CAB anema lungkak aitertemi yimyim ayimtena wako tanak ayiploktsü.
Ajisüaka ajungbena, nisung telok kati pa dak teka sangshi. CAB anema lungkak aitertem jagi pa den külemi BJP züngsem kar dak azük.
“Lungkak aitertemi pa dak azüktsü tenzük saka police-i kecha mashi. Pai ajentsü merang saka pa alang. Tanaben pai ano ajentsü merang saka bicycle ka dak tsüker alang, idang jiang police-i pa kümzük” ta tenük kuli agütsür kati ashi.
Tinsukia district BJP president ji mozü ki kati anir ao anepalu.
BJP osang ka ajanga angazükba agi parnoki Tinsukia police station nung iba tatalokba atema FIR ka benoktsü.
January 8 nü Lok Sabha nung CAB agizükba sülen Assam ajungalen mepetmesü adoka lungkak aitba manener.