Kohima police-i Ganja seret 100 apu

Kohima, September 11 (TYO): September 10, 2015 nü BSF check gate nung Kohima police-i gari mita reprangba mapang gari Alto B/R No. NL-01C-4541 nungi taseptsü 10 nung ganja seret 100 puogo, ganjaji gari menden telung nung miima liasü, ta Sr. Superintendent of Police Kohima-i tanü sangdong ka ajanga metetdaktsü.
Ganjaji International market nung sen lakh 5 jenjang lir aser ganja shibelenba ken o dak sentakba nung nisung ana- Manipur, Dist – Senapati, PO/PS – Tadubi kübok Tunggam yimer Bosü Pao’er jabaso Savio Pao (gari anisang) aser Manipur, Dist – Senapati, PO/PS – Tadubi kübok Tunggam yimer Traohrü Khaobvümai’er jabaso Huzü Khaobvümai na puogo. Iba dak sentakba nung tena anema NDPS Act kübok ken o ka benokogo, aser bushisüngdang maneni agidagi, ta kasa sangdong ajangasa metetdaktsü