Kohima District Congress Committee akangshi

Dimapur, January 31 (TYO): Kohima District Congress Committee (KDCC)-i tanü constituency sasep nung shisalemsatepba senden ka amen.
Senden nung KDCC president Kevi Vizo-i anir ketdangpurtemi 8th Western Angami ACCC, 9th Kohima Town ACCC, 10th Northern Angami-I ACCC, 11th Northern Angami-II ACCC, 12th Tseminyu ACCC, 14th Southern Angami-I ACCC, 15th Southern Angami-II ACCC, Kohima District Mahila Congress, Kohima District NSUI aser Kohima District Youth Congress nungi tebilembatem lemsatepba anga.
ACCC nungi tenzüka party akangshitsü atema sendenji amen aser senden nung adenertem dang taruba Lok Sabha elections atema renema atatsü ayongzük.
Olemtepba mapang DCC aser ACCC tsüngda iba mesükba shisalemsatepba sendentem mapang shia agitsüla ta jembi.
Tanü senden nungsa KDCC-i January 25, 2019 nü bangzüng agiba posema nungit aser NDPP-i aniba PDA sorkari Citizenship Amendment Bill 2016 atema political party aser Naga civil society tem senden amentsü lemtetba atema kuli asüngdang.
Nagaland nungi Lok Sabha MP NDPP candidate Tokheho Yepthomi lir saka January 8, 2019 nü pai Lok Sabha nung bill posema nungit. Anungji, PDA sorkari lendong bener arutsüsa mapa inyaker ama bilemer.
Tokheho Yepthomi-i pa sign meyipa agitsüla aser PDA den yaritepertemia Naga nunger taginüba atema inyaker ta süra, BJP den tesentaktep pilatsüla ta KDCC den ACCCs tenet aser KDCC kübok teloktemi takhangba agütsü.