KHADC CEM HS Shylla-i NPP toktsü

Shillong, February 1 (Agencies): Khasi Hills Autonomous District Council (KHADC) nung Chief Executive Member (CEM) Hispreaching Son Shylla-i yashi National People’s Party (NPP) toktsüogo.
MDA sorkari District Council-i agizüka aliba bill tem agizüktsü menuba anema pai NPP toktsür ta metetdaktsü.
“State sorkari bill tem magizüki sota ayubaji Council mezüngmeshiba mapa ka lir. sorkari ‘autonomous’ olung mangatet aser district council tem ya parnok kübok department ka ama dang züngshir” ta Shylla-i ashi,
Secretariat nung ketdangsertemi Council nungi shimteta aliba nübotem indang tashi ajembanger, ta paisa shisem.
“Ketdangsertem indang mapaji Council-i agizükba bill tem mulunga agizüktsü atema lir. Parnoki bill sota ayutsü tashi mali kechiyong KHADC ya autonomous tentet ka lir. Council-i agizükba bill ji Act ka kümdaktsütsüla” ta paisa metetdaktsü.
NPP-i MDCs indang jenjang mangatet aser KHADC indang Inner Line Permit (ILP) Bill ya Centre-i masü saka Chief Minister, Conrad K Sangma-i noktanga lir, ta Shylla-isa ashi.
“NPP-i state nung lisopurtem khuret atema mebilemtsür. Parnoki politics asayatsü dang meteta lir. NPP-i ni CEM inyakba anema noktak. Iba ya KHADC indang Bill ka danga magizükba ajanga sayur” ta KHADC CEM-isa shisem.