Mizoram sorkari yi ayokba noktangtsü

Aizawl, February 1 (Agencies): Mizoram sorkari state nung yi noktangtsü nangzükba nungi masetshii lir ta metetdaktsü.
Gauhati High Court nung Aizawl bench-i yi mayoktsü noktangba agienba sülen anogo ishika lir sorkari iba osang metetdaktsü.
State sorkari yi mayoktsü tenokdangba agüja liasü saka yi ayokertem aser bonded warehouses kiburtemi ken o ka benokba nung ajemdaker Aizawl bench-i tetuyubaji agien.
Chief minister aser Mizo National Front (MNF) tanishir Zoramthanga-i taoba assembly election mapang Mizoram nung yi noktangtsü ta tenangzükba agia toktepa takok angu.
Christmas matongdang nungi state sorkari Mizoram nung ‘dry days’ alitsü sangdong aser ibaji taküm March tashi atsülanga liasü.
Taküm March ita tatemlen tashi nung Mizoram Liquor (Prohibition & Control) Act, 2014 tasen küma yanglushitsü ta Zoramthanga-i yashi metetdaktsü.
Okadaki tuyuba akhümtsübutsüsa akümer, anungji tang state sorkari iba atema kecha mesüteter, ta paisa ashi.