Assam nung scholarship alemba nung ochimashi inyak

Guwahati, February 1 (Agencies): Assam nung minority kaketshirtem nem pre-matric scholarship agütsüba nung tim mesüi inyakogo aser iba mapa ya CID nem bushisüngdang südaktsütsü atema nungloktsüogo ta Hokolbarnü Assam sorkari ashi.
AIUDF MLA Aminul Islam-i Assembly nung iba atema asüngdangdang Welfare of Minorities Minister Ranjit Dutta-i “iba maparen nung shilem agiba atema nisung pungu tashi pua lir” ta langzü.
Telok tilaba kintem nungi kaketshirtem nem scholarship agütsüba maparen nung iba tim masüba mapa inyak, ta Dutta-isa ashi.
Assam Police nungi Criminal Investigation Department (CID)-i iba ochimashi mapa bushisüngdang südar, ta paisa shisem.
“Assam kübok district ajak nung bushisüngdang südar. Tang tashi nung Morigaon aser Barpeta nungi tesayur ana, bank customer care centre nungi staff ana aser tiyongtsü nung mapa inyaker ka pua lir” ta Minister-isa metetdaktsü.