New Delhi, February 1 (Agencies): Union Minister for Finance, Corporate Affairs, Railways & Coal, Piyush Goyal-i tanü Parliament nung Interim Budget 2019-20 benokdang, North Eastern Region atema sen 21% agi talila lemzüktsüogo ta metetdaktsü.
2018-19 BE dangi nungi 21% talila yutsür 2019-20 Budget Estimates nung North East nem Rs 58,166 crore agütsütsü. Northeast nunger nem infrastructure atema sen aika lemzüktsüogo, ta pai ashi.
“Tawa tu air map nung Arunachal Pradesh züngok aser tang mezüng atema India rail map nung Meghalaya, Tripura aser Mizoram densemogo,” ta Goyal-isa metetdaktsü.
North East nung Brahmaputra ayong navigation capacity tajungba kümdakja Centre-i cargo movement tenzüktsü, ta paisa ashi.
Assam aser Arunachal Pradesh nung Bogibeel rail-cum-road bridge ama mapatongtem küm aika anendaka liasü. Sikkim nung Pakyong airport lapokba ajanga linük nung operational airport 100 adenogo, ta Goyal-isa shisem.
North Eastern Region atema budget lemzüktsüba nung tongtipang scheme kar:
Union Budget nung NE nem Rs 58,166 crore lemzüktsü added by nungsang on
View all posts by nungsang →
You must be logged in to post a comment Login