Sony Xperia XZ4 February tatemlen sayatsü

Tsüklai/February 02 (Agencies): Taruba Mobile World Congress sentong koba tan its tatemlen agitsü ternemba lir, iba sentong nung Sony-i Xperia XZ3 den tatongtep smartphone XZ4 sayatsü imlar, ta TechnoBezz osang ajanga metetdaktsü.
Sony-i parnok indang Xperia XZ4 tasenba nung components aser features tajungtiba densema sayatsü. Iba handset nung 3360 x 1440 resolution keta aliba 6.5-inch QHD+ OLED display den 21:9 aspect ratio keta alitsü imlar. Iba display nung Gorilla Glass 5 agi meyibanga yanglu aser tzü o auyi nungi tekümzüktsü angutsü atema device nung IP68 tashi inoka yanglutsüogo, ta kasa sangdong nung shia lir.
Handset nung processor atema Qualcomm Snapdragon 855 chipset tasen den 6GB RAM aser 128GB internal storage keter angutsü imlar. Ajisüaka, RAM o internal storage variant tanga atema osang agüja mali. Iba denji külemi, Sony-i microSD card slot inoksema yanglutsüogo koba ajanga tamshirtemi 512GB tashi memory atsülanga amshitettsü. Operating System tsütsü, Xperia XZ4 nung Android 9 Pie keter aliba angutsü imlar.
Maneni, handset nung battery ji 4000mAh asütsü aser XZ4 smartphone ya sentsü tapu pezü – Black, Silver, Blue aser Deep Purple nung angutsü. Sony Xperia XZ4 tasaszükji 162mm x 72mm x 8.2mm aser tuozük g 191 lir.
Camera tsütsü reprangdangra, iba handset tesülen triple camera setup aser tejaklen selfie camera keta lir. Osangtem ajanga angazükba agi, camera indang primary rear sensor nung 40MP sensor den 5MP/16MP shooter aser tejaklen Sony-i 24MP sensor inoka yanglutsütsü imlar.