Mkg nung IEF pur general crusade akar (Esther o Akumla nati atenba kensep ka saya)

Rev. Imdangmeren Jamir-i Esther o Akumla nati atenba kensep ka meshiteta sarasademer sayatsüdang tangokba noksa nung angur. Mokokchung, February 5, 2019.

Mokokchung, Feb 5 (TYO): Esther o Akümla nati Tsüngrem ken atenba kensep (album) tenüng agi “Tepela Ken Atener” ta sür ka Feb. 5 nü Mokokchung Town Baptist Arogo (MTBA) nung IEF pur asentenshi sentong tulu ka nung tongti o jembir Rev. Imdangmeren Jamir-i meshiteta sarsademer sayatsüogo.
‘Tepela Ken Atener’ kensep nung ya ken ajak agi 10 lir. Iba kensep nung Tepela ken atener, Ni nüchi nguogo, Kü mitsa, Kidangi meyiptsü, Aoli watsü, Kü Yisu, Tanü tenüngdakba, Teimla tenem, Mulung raksa kodanga malitsü aser Anisüngzük angutsü, item ken keta angutsü. Talinürtemi jenjang dalang agi IEF office Mokokchung nung angutsü.
2019 IEF asentenshi sentong ya ‘Jungkai Adok 1:7’ (Behold He Cometh) nung ajemdaker Feb. 5 nungi tenzüka Feb. 7 tashi MTBA tenla kidang akatsü. Sentep ajak nung Rev. Imdangmeren Jamir-i Tsüngrem osang abentsü. Feb. 6 nungi sentep mapang anepdang 10:00 ako nungi aser nikongdang 4:00 ako nungi tenzüktsü aser mapang apir healing hour alitsü. Anungji, iba sentong nung tejangrar ajak arua temoatsü agitsü asoshi IEF ketdangsürtemi ayongzüka metetdaktsü.