Throttle Thrust 2015 tetoktepba sentong tenzükogo

Nagaland National Highway & Mechanical Engineering & Election Minister, Nuklutoshi-i Mokokchung kübok Imkongmerern Sports Complex nung ayongba Throttle Thrust 2015 tetoktepba sentong tanü Hokolbar nü tenzüktsüba noksa nung angur. (Mokokchung, September 11) 

Dimapur, September 11 (TYO): Spear Head Motor Sports Initiative (SMI) teloki ayonger külen Mokokchung kübok Imkongmerern Sports Complex nung tanü, Hokolbar nü nungi tenzüka Throttle Thrust 2015 tetoktepba agi tenzükogo.
Mokokchung nung tan mezüngsüa ayonga agiba sentong ya tongti tesemdanger, Nagaland National Highway & Mechanical Engineering & Election Minister, Nuklutoshi-i tenzükja liasü.
“Mokokchung jila tenteter küm 125 abensaba den sentaktepa iba ama tongti aser tasen tetoktepba sentong ayongba atema tayonger den pelaba lemsateper. Taoba mapangbo motorsports ya takataitertemi dang shilem agitetba tetoktepba ka liasü saka tanübo iba tetoktepba nung ajaki shilem agitettsüsa aser rongsen tajangzüka angutsüsa jenjang bener arutsüogo,” ta tongti tesemdangeri metetdaktsü.
Anogo 2 asoshi ayongba tetokepba ya autocross, motocross aser Jeepcross nunger densema shilem 3 tashi küma lemsar toktepa agiba den külemi, car gari tasen sayatsü asoshi car expo sentonga densema ayonga lir.
Throttle Thrust tetoktepba sentong nung Kohima, Delhi, Meghalaya aser Assam nunger nungi asayartemi shilem agiba osanga jangjaogo.