Mizoram arogotem dang CAB anema sarasademtsü ayongzük

Aizawl, February 6 (Agencies): Khristantem teimba ser aliba Mizoram state nung arogotemi tentetba telok kati Citizenship (Amendment) Bill anema sarasademtsü ayongzükogo.
February 16 aonung sentep alidang Rajya Sabha nung iba Bill mebenokdaktsütsü atema mesüra benok nunga magizükdaktsütsü atema sarasademang ta Mizoram Kohhran Hruaitute Committee (MKHC)-i mepishia metetdaktsü.
CAB ya Mizo nunger tarutsü atema lendong lir aser Indian Constitution nung secularism tamendakdak lateta aliba anema lir, ta MKHC-isa sangdong nung shia lir.
Mizo nunger kümzüka ayutsü aser tamangba nüjiso tangatetba meyipa arutsü atema Khristantemi sarasademtsü mepishir, ta parnokisa shisem.