CAB atema Meghalaya CM, Delhi-i ogo

Shillong, Feb. 11 (Agencies): Mongolbarnü Rajbya Sabha nung Citizenship bill benoktsü lia iba bill anema nokdaktsü atema teyari bushia Deobarnü Meghalaya Chief Minister, Conrad Sangma Delhi-i ogo.
Delhi nung pai Citizenship Bill anemba nung pusemtsü atema yimtenren party balala nungi lenirtemi teyari meshitsü.
Yashi osangbener den jembidang Sangma-i, “Rajya Sabha nung iba bill benokra onok pusemtsü atema nangzükba yimtenren party balala nungi lenirtem ajurutsü atema ni Delhi-i aoer,” ta metetdakja liasü.
Pai ashiba agi, Honibarnü par party National People’s Party (NPP) lokti senden amenba mapang nung parnoki iba bill ya Rajya Sabha nung benokra parnoki BJP-i aniba NDA teloktep toktsütsü atema telemtetba agiogo.
Tamalena pa den Mizoram Chief Minister, Zoramthanga nati Union Home Minister Rajnath Singh ajurua parnoki iba bill anemba metetdakja liasü.
Manipur aser Arunachal Pradesh na nung NPP-i BJP-i aniba sorkar nungiter aser Nagaland nung parnoki People’s Democratic Alliance sorkar nungiter.