Mapang shia, anogo shia, teti

Teti Tebu Tsüngrem dang asen Kibuba Yisu Khrista tenüng nung ajak asoshi tenüng sangang. Efesa 5:20
Pauli pa shiti azüngertemi dang mapa kar meinyaktsü ashir. Nüktapangta aser tiyazü jembiba telidaktsü (t.3-4). Tejang matangba mapa nung teten (t.11). Tamachi lisü (t.7). Yi agi temüsep (t.18). Idangji kechi inyaktsüla pai ashir. “Kechisarena nung tenüngsang agüjang” (1 Tesa. 5:18). Kecha nung temulung tatema, saka ajak nung sarasademba aser mepishiba aser tenüngsang agi nenoki meshiba Tsüngrem nem metetdakjang (Fil. 4:6).
Asenoki Tsüngrem tenüng asangtsüla kechiaser tajungtiba agütsürji Pa lir. Pai asenok tajung aser tabensa sempet agütsür (Yakob 1:17). Saka kechisarena asoshi asenok Yisu tenüng nung tenüngsang agütsütsüla, kechiaser asenok asoshi Pai ajak agütsü, Pa taküma dena agütsü. Tsüngremer tajung aser temoatsü agizüker tenüngsang magütsütsü kanga temela lir. Saka kodang asenoki temoatsütem züngdangdir, tepela agi asenok mobangtsü. Pai asenok nem taküm tangola agütsü. Pai asenok nem kibong aser tembartem agütsü. Pai asen nüngdak aser taginüba agütsür. Asenoki Yisu asen Kibur aser Kümtetdakba ta agizükra Pai asenok teti tatem maka Pa den alitsü ki renemtsür. Asenoki maneni mapang ajak nung aser anogo shia Pa nem tetushi aser tenüngsang agütsütsüla.
Temeim Kibur, Nai kü nem jenti agütsüba asoshi Ne tenüng asanger. Kü temoatsütem teti züngdangtsü kü dang yariang.