Pangnyu Phom-i Tamlu PHC semdang

Kohima, Tsüklai/February 12 (TYO): Namsang kübok Yongmen tesem nung DPDB senden agiba sülen February 12, 2019 Mongolbarnü Nagaland health & family welfare minister, S.Pangnyu Phom den külemi senior government ketdangser aser Keystones Infrastructure, manager nungeri Longlen district kübok Primary Health Centre (PHC), Tamlu semdanga liasü.
Iba Health Centre semdangba mapang Pangnyu-i PHC staff tem den sensaksem aser PHC kiojentem repranga liasü. Pai, iba health centre ajungkettsü aser renlokdaktsütsü atema akok tashi nungittsü asoshi nangzük.
Tamlu nung alir nüburtem tajungtiba agi tenzüktsü asoshi staff temi meranga inyakba ngua minister-i parnok nem tenüngsang agüja liasü.
Kasa sentong nung Pangnyu-i, iba hospital-i aiba lenmang yanglutsü atema mepishiba mapang, Keystones Infrastructure, Manager shiba 2 lane yangluba maparen nung densema lir, pai iba lenmang angati yanglutsütsü atema nangzüka liasü.