Mkg nung Food Festival sentong takok ngua agiogo

Mkg, Tsüklai/February 12, 2019: Mokokchung district kübok February 12, 2019 Mongolbarnü MMC Shopping Complex nung Street Food Festival & Job Mela sentong lapokba mapang ADC Mokokchung, W. Manphai Phom-i jembiba noksa nung angur. 

Dimapur, Tsüklai/February 12 (TYO): MMC Shopping Complex, Mokokchung nung February 12, 2019 Mongolbarnü SUDA, Nagaland kübok District Urban Development Agency, Mokokchung-i Street Food Festival aser Job Mela sentong ka ayonga agia liasü.
Street Food Festival aser Job Mela ya Deendayal Antyodaya Yojana- National Urban Livelihood Mission (DAY-NULM) aser Food Safety & Standards Authority of India (FSSAI)-i tentetba sentong ka asütsü.
Iba Food Festival lapokba sentong nung jembiba mapang ADC Mokokchung, W. Manphai Phom-i ashiba agi, Mela nükjidong ya jila nung yokjiyokjar inyakyim nungittsü aser ajungshitsü atema lir. Iba denji külemi, linük nung sensopurtem nem chiyongtsü nung tekümdangtsü agütsütsü atema lir.
Food Festival sentong nung Mokokchung kübok ward ajak (18) nungi self-help group 24-i shilem agiba atema ADC W. Manphai-i pelaba mettedakja liasü. Maneni, ADC-i Self Help Group ajak dang FSSAI nung register asütsü atema ajungshia liasü.