IPR Director-i Suruhuto Information Centre semdang

Dimapur, Tsüklai/February 12 (TYO): IPR Director Limawati Ao aser Additional Director IPR, Z. Tokishe Sema na February 7 nü Suruhuto Information Centre semdanga liasü.
Tenati iba centre semdangba mapang Suruhuto nung IA office semdanga, ali kibur aser Suruhuto IA office nung inyakertem den sensaksema liasü.
Director-i, IA Office nung inyakertem dang pei mapa nendaka inyaktsü ajungshiba den Suruhuto tesem nung atalokba osangtem nüburtem nem metetdaktsütsüla ta ashi.
Iba sülen Director aser Additional Director nati tarutsü nung Suruhuto nung IA office renloka aotsüba dak sendakba nung ali kiburtem den sensaksema liasü.
Ketdangsertem den külemi by DPRO Zunheboto iba sentong nung oa aden. Ali kiburtem den Suruhuto nung yimtsüyimbo tem, Adhoc Town Council Suruhuto züngsemtem aser Suruhuto nungi GB tem iba senden nung dena liasü, ta IA Suruhuto sangdong ka ajanga metetdaktsü.