GRS nung mozü shibelener tetsür 3 apu

Guwahati, February 13 (Agencies): Government Railway Police (GRP)-i Guwahati railway station nung mozü shibelener tetsür adem apu aser parnok ket nungi heroin gram 24 ngutet.
Mongulbar anepdang GRP aser Guwahati Police nung Crime Branch-i tetsür asemji apu, ta Superintendent of Railway Police Hemanta Kumar Das-i ashi.
“Police-i par asem ket nungi plastic pongdang 13 nung heroin bena aliba angu. Pongdang shia nung heroin gram anana shi enoka liasü. Narcotic Drugs and Psychotropic Substances Act nung aliba ama parnok ket nungi mozüji apu” ta Das-isa metetdaktsü.
Tetsür asemji Marjina Begum (30), Mamiram Begum (30) aser Bhanu Begum (40) nungertem ta janjaogo, ta paisa shisem.