Alokba dang Nagaland tensa asüngdanger :

(Maneni taoba adok nungi…)
Tambur : Asen state nung mepetmesü tetsüng agia metsütaka yur, kechiba Kaketshir telok paikati kecha ola madoker??? Ajakji doktsür lenmang majungba atema danga kenü anogo mesüng lenmang mokdanga yur sorkar dang iba lenmang meyanglu tashi onoki melapoktsü ta takangba sorkar dang ashi nunga koda süla na ta nibo bilemer, naia kechi ashir?
Alokba : Oko, nai ashibajia shitak, saka ola madoktettsüsa kaketshir lenirtem tepang nung ‘Ya Kü Kishi’ (YKK zip) tulurtemi yokadoker nung koda inyaktettsü!!!!
Tambur : Ano, scü danga pezük nunga osang kaket ajak menenja Tenüngsang Agütsür, Tushir, Pelasemer, Pelar etc… ta kechiba aka ?
Alokba : Tajung inyaktetba jia asangtsüla, saka scü tera sashia pezükba tashi yabo madoktsüla ta nia bilema lia, nai shitak nung shiogo. Aji na iba konangji……National, International level nung tokteper masü, Yim o Yim na aser Tsükong o Tsükong na tokteperba dang ako.
Tambur : Tatemsa ano ka asüngdangdi, onok tambur kümerji Deobar nü sentepi onüyonga temang nung teshinem menemba ajanga tangar timtem magütsünüba agi maor, saka na asenok nisung aika tangari par kibonga / pa-a sentepi aor ta asütsüba tema tazütsüka dang sentepi aor amai nibo ajiteter. Naia koda shir?
Alokba : Tambur kümerbo tangar den atongsemtsü tasak, saka na hopta tepiyong tangar luja, ashiokja, meneja, Dalali mapa inyaka arur tema tazütsüka Deobar nü sentepi aoba dang nungibo kidang ajem-jema tangar memetsüdaktsütsüsa kidang mapa tila tari kar inyaka aliba tajungba adi.
Tambur : Tanü asüngbo tanga state garitem Nagaland nung senzüba ya kechiba Nagaland tenüng jatsüang ta Police-temi len tom nung anendaktsür mashir aser senchi machir ?
Alokba : Adu… na …. taoba mapang senchi achiba sent tu ano parnok audit mesütetter iba jagi tanga state garitem ya pelaseta tangbo Nagaland tesem ajak nung senzüdar.
Tambur : Alokbabo Alokbasa jaaaaaa….. Ano mapang apir kisemi arutsüa no!!!!!.
Lilir : SMS