Tanela süngjang agi jajaang

Saka Tanela tejang temeim, tepela, tesünep, taremzük, kümli tajung, tajungba, temulung lemtetba, anükalem, peisasa azüokba, item anema tanga ozüng mali.  – Galatia 5:22-23.
Tekong 19-21 nung Pauli shi mapatem indang jembi: süngjang külemba, rarabangsen, tenük merem, yi mesepba, yamala. Pauli shi tejangrabatem endoktsü ashi, saka tanela süngjang agi alitsü ashi. Khrista agizüka Tanela Temeshi akartemi temeshiba jakla sayutsüla. Tasen Lai ajunga nung asenok dak Khrista sayutsü indang ashir, Pa taküm item jaklatem agi sünga liasü: temeim, tepela, tesünep, taremzük, anükalem, tajungba, tamang katetba, ajemaluba aser peisasa azüokba.
Khristan ka ama asenoki kechi sayutsüla itemjia Khristai inyak: Temeim (kecha taa mali bendanga agütsüba temeim), joy (ajak tajung ta pelaa agizükba), tesünep (tarutsü tia metetta temulungjang sünepa aliba), taremzük (asen lemang nung kechi ajurudir ajak aremzükba), anükalem (tangar asoshi bilema anepaluba), tajungba (jakla aser tanelaren tashishitsü makai aliba), temulung lemtetba (tamangtsü talang aser tsüngchiba), mulungsentsü tanük (mang ayangtsü mebilemba saka tiaji tizükba) aser peisasa azüokba (pei meden mebushiba). Kodang Khristan kati Tanela agi jajadir, aser item süngjangtem ya sayudir, pa kodanga memetsüdaktsü (2 Peter 1:10). Item süngjang yagi tang ne taküm ratettsür asü? Asütsüla! Yisui ashi, nai kechi ashir iba jagi na Khristan ka sayur masü saka nai kechi inyaker iba jagi kuli asür (Matt. 7:21). Parnok süngjang agi nai parnok metettsü.
Kibuba, kü mapa agi tangari ni Khristan ka ta metettsü Tanela Temeshi-i aniba metetta alitsü yariangma.