Rex Singh India team nung züngoksemogo

Guwahati, Tsüklai/February 14 (Agencies): Manipur nungi arishi küm 18 tain Rex Singh, par state nungi India cricket team ka atema shimba mezüngbuba asayar kümogo.
Pa South Africa U-19 team den February 20 nü nungi tenzüka’Test’ series asayatsü aliba team nung züngoksemogo.
Assam nungi fast bowler Abu Nechim Ahmed U-19 World Cup 2006 atema shimba sülen pa ya North East India nungi India tenüng nung asayar tanabuba asütsü.
Rex-i taoba December ita Under-19 Cooch Behar Trophy nung Arunachal Pradesh den asayaba mapang inning ka nung wicket 10 agia liasü aser iba ajanga pa ajaki jangjaa aküm aser pai anir South Africa nung baller tem asayatsü imlar.
Cooch Behar Trophy nung kanga junga asayaba sülen Rex, Manipur Ranji Trophy squad nung züngoksemogo.
Pa first-class asaya ana nung takok tajung monguaka asayaogo, saka pai red ball kanga junga swing süa ontetba ajaki jembidar.