12buba Open Naga Wrestling atema form agütsü tenzükogo

Kohima, Tsüklai/February 14 (TYO): Nagaland Wrestling Associstion (NWA)-i sangdong ka ajanga 12buba Open Naga Wrestling meet 2019 koba 2019 March ita 7 nü asayatsü lir iba asayamung atema entry form tem Wrestling constituent units; Angami Sports’ Association (ASA), Chakhesang Wrestling Association (CWA) aser Zeliang Wrestling Association (ZWA) ket nungi angutsü, ta metetdaktsüogo.
NWA General Secretary, Vekhozo-i sangdong ka ajanga ashiba agi, tanga asayartem atema form tem SPOTRS WORLD, Taxi Stand Kohima nung angutsü.
NWA-i Naga nunger ajak dang iba asayamung arua reprangtsü asoshi ayongzükogo. Taoba mapang nung sangdongba ama 12buba Open Naga Wrestling Meet nung US, Denmark, Myanmar aser India kübok tesem balala nungi asayartem arua shilem agiba angutsü. Iba asayamung ya Angami Sports Association (ASA)-i ayonga amungtsü aser Botsa Baptist Church-i aachanyangtsü.