Meghalaya nung entry-exit point lapoktsü: Conrad Sangma

Shillong, February 15 (Agencies): Citizenship Amendment Bill (CAB) magizüki tembangaka ozüng alema aruba khuret ya tebilemtsü ka lir aser iba atema entry-exit points lapoktsü ta Meghalaya Chief Minister, Conrad Sangma-i ashi.
“Entry-exit point ji infrastructure lir aser Inner Line Permit (ILP) ya inyaksangshi ka lir. Asenok inyakyim ka mali aser iba jagi ILP ali yonga inyakyim ka melira mapa inyaktsü makoker. Iba jagi infrastructure yanglutsü aser iba ajanga ozüng alema arurtem noktangtsü” ta Conrad-i ashi.
Meghalaya kübok tesem balala nung entry aser exit points yanglutsü atema sorkari Rs 1,000 crore shi nüngdaker.
“Onoki tesem pezü-pungu ka nung entry-exit points lapoktsü atema shimtetogo. Taruba ita pezü tashi nung onoki East Jaintia Hills, Ri Bhoi, West Khasi Hills, North Garo Hills, West Garo Hills nung iba mapa inyaktsü” ta paisa ashi.
Garo Hills kübok Mendipathar railway station nung entry-exit point lapoktsü atema onoki temelaba meshiogo, ta Conrad-isa shisem.
“Anogo ishika tsüngda home minister aser urban affairs minister-i Mendipathar railway station semdangtsü. Kobi melii Mendipathar nung entry-exit point lapoktsü” ta paisa metetdaktsü.