Kohima nung prangbong injang bendentsü tetuyuba agütsü

Dimapur, Tsüklai/February 16 (TYO): 2019 Lok Sabha General Election dak sendakba nung aser Election Commission of India-i tetuyuba agütsüba kübok Deputy Commissioner & District Election Officer and District Magistrate, Kohima, Nagaland, Gregory Thejawelie, NCS-i Kohima district kübok licensed arm holder ajak dang prangbong aser injang parnok anasa aliba police station nung March 20, 2019 nü tashi nungbo agütsütsü asoshi tetuyuba agütsüogo. Election yimjung nung aser kecha tetsükdaktsü magai agitettsü nükjidong nung iba tetuyuba ya agütsüogo.
Prangbong injang kwika agütsüdir iba ya police ket nung yua atatsü aser election result sangdongba sülen hopta ka lirang agütsütsü. Police station ajak nung officer in charge-i prangbong injang agütsürtem nem receipt agütsütsü aser item osettem kümzüka ayutsü asoshi record shidak ayutsü. Kasa sangdong nungsa, iba tetuyuba sülen manidakertem indang arm license agintsütsü aser temzüng ozüng dak ajemdaker tapet jenjang agütsü, ta sorkar sangdong ka ajanga metetdaktsü.