Chief Minister-i asükhu lemsatep

Dimapur, Tsüklai/February 16 (TYO): KelhouvikuoKelio February 15, 2019 nü ajungbena asüba osang angazüka ni kanga temulung mepelar.
Asür KelhouvikuoKelio ya mezüngpur lenir rongnung ka liasü aser pa Guwahati University nung Bachelor’s Degree anguba sülen sorkar mapa nung inyaka liasü. Department balala nung inyakba sülen pa 1992 küm Additional Secretary asüdang mapa nungi anen.
Asür KelhouvikuoKelio ya ochishir ka liasü shibai pa inyakba department ajak ajungkettsü asoshi meranga inyakogo. Pai state nung aliba nüburtem atema inyakba teti bilemtettsü. Pa mezüngbuba PWD Panchayat mendenbuba liasü aser International Friendship Society, New Delhi nungi Vijay Ratna Award agizüker aliba nisung ka liasü. Maneni Nagaland-i Helicopter service bener aruba nung pai tongti shilem agiogo.
Paisa NCS, NSS aser Stenographer Service Rules yanglua liasü. Pa asüba ya par kinungertem aser Angami nungertem atema dang masü saka Naga nunger ajak asoshi takoksa tulu lir.
Iba amala mangyim tejashi tia ka nung kü kinungtsü künati asür kinungertem den asükhu lemsateper aser tulusang Tsüngremi iba timtem tejashi koktettsü asoshi tashi aser tasü tait tanüla agüjang ta sarasademtsür. Asür tanüla teti tatem makadak tesunep nung anisüngzükdakjang, ta Chief Minister Neiphiu Rio-i sangdong ka ajanga asükhu lemsatepa liasü.